RUSSU ‘NTA L’AZZURU DI LU CELU
Fusti bannera e cori, Araziu Russu,
dintra 'sta magghia ca è puisìa.
Catania ti ricorda e ti carria
'ntra li so' sintimenti, omu 'ndiscussu.


Ed ora ca si ddà, fai ‘na magia,
cumparici a Toscanu a lu so mussu
e abbiici di 'ncoddu lu to flussu
pi quantu lu palluni trova 'a via.


Russu, vai ‘nta l’azzurru e metti a quinta,
vai ddà, unni lu jocu non s'arresta
dintra 'ddi campi fatti di splinnuri


unni a Facchetti 'u futti cu 'na finta,
smarchi a Pelè cu tunnelli di testa
e fai filici tutti ‘i rossazzuri.